Identifikohet autori i plagosjes në Shkodër, dyshohet se zënka lindi për borxhet

Një konflikt i çastit ka përfunduar me plagosjen e një personi me armë zjarri në Shkodër mëngjesin e kësaj të hëne. Dy persona janë konfliktuar fizikisht e më pas autori Dedë Bici ka qëlluar me armë zjarri pistoletë Aleksandër Currajn duke i shkaktuar plagë të rënda në bark. Pas ngjarjes autori është larguar me bicikletë.

Personat e pranishëm në vendngjarje thanë se i plagosuri ka kërkuar ndihmë dhe me pas është rrëzuar në tokë.

Sipas burimeve policore autori Dedë Bici dyshohet ta ketë qëlluar të paktën 4 herë me armë zjarri pistoletë pas sherrit me Aleksandër Curajn.

Policia e Shkodrës ka sekuestruar kamerat e sigurisë të cilat pritet të zbardhin të plotë dinamikën e ngjarjes.

Shqetësuese është fakti që ngjarja ka ndodhur në një nga zonat më të frekuentuara të Shkodrës duke vënë në rrezik edhe jetën e kalimtarëve.

I plagosuri ndodhet në spitalin rajonal të Shkodrës në kujdesin e mjekëve në gjendje të rëndë. Pritet përmirësimi i gjendjes shëndetësore dhe më pas marrja e dëshmisë së tij për të hedhur dritë rreth shkaqeve që çuan në këtë plagosje. Ka dyshime që plagosja të ketë ndodhur edhe për shkak të borxheve që personat e përfshirë i kanë patur njëri-tjetrit.

LEXONI GJITHASHTU:

• Të shtëna me armë zjarri në Shkodër, një person i plagosur
• Autori me biçikletë, e qëlloi 4 herë – Kush është shënjestra e atentatit në Shkodër