Presidenti Begaj i jep shtetësinë trajnerit Sylvinho: Po e legalizoj si shqiptar!

Presidenti i Republikës, Bajram Begaj, i ka dhënë shtetësinë shqiptare trajnerit të Kombëtares shqiptare, Sylvio Mendez Campos Junior (Sylvinho).

Pashaporta iu dorëzua trajnerit të Kombëtares gjatë Mbrëmjes Gala “ Më të mirët 2023” të ndarjes së çmimeve të Vitit për futbollin e djemve dhe të vajzave.

I pranishëm në ceremoni ka qenë edhe kryeministri Edi Rama, i cili ka lexuar edhe dekretin e Presidentit Begaj.

Ndërsa vetë Begaj nga ana e tij tha se do i japin një kontratë kombëtare trajnerit Sylvinho, për ta legalizuar si shqiptar.

“Përshëndetje të gjithëve, është kënaqësi për mua që të vlerësojmë më të mirët e më të mirëve, FSHF, që na bëri krenar. Presidenti kërkoi mbështetjen e qeverisë, për t’i dhënë një kontratë kombëtare trajnerit Sylvinho, për ta legalizuar si shqiptar”, tha Begaj.

LEXONI GJITHASHTU:

• Yjet e Sportit/ Rama i dorëzon çmim Sylvinhos: Brazilianin do e bëjmë shqiptar
• “Sylvinho ndër më të mirët, më pëlqen Shqipëria”, trajneri brazilian për Euronews