Girona, 14 fitore në kampionat, rimerr kreun e renditjes në La Liga

Girona nuk ka ndërmend të dorëzohet këtë sezon, ndërsa është rikthyer dhe një herë tjetër në krye të tabelës së klasifikimit në kampionatin spanjoll.

Të besuarit e Michel morën fitoren e radhës, ndërsa mposhtën Alavesin 3-0. Një 90 minutësh ku fitorja nuk u vendos aspak në diskutim, duke shënuar që në minutën e 23’ me të përhershmin Dovbyk. 3 minuta para fundit të pjesës së parë, Portu realizoi për 2-0.

Fraksioni i dytë do të niste me po të njëjtin ritëm nga vendësit, të cilët do të shënonin sërish me ukrainasin Dovbyk, me 26-vjecarin që vulosi triumfin 3-0. Kjo ishte e 13-ta fitore për Gironën në kampionat, teksa qëndron 2 pikë para Realit të Madridit.

Atalanta rrëmbeu fitoren e dytë radhazi në kampionatin Italian mbrëmjen e së hënës. Bergamaskët u ngjitën në vendin e 7-të me 26 pikë, duke lënë pas Romën e Mourinhos.

Pjesa e parë do të niste mirë për miqtë që shënuan me Pirolën, duke e mbyllur fraksionin e parë në avantazh minimal. Pjesën e dytë do të reagonte Atalanta, duke shënuar plot 4 herë me Muriel, Pasalic, De Ketelar dhe Miranchuk.