Zyrtarizohet rivalja e Putin: Jekaterina Duntsova kalon pragun e përzgjedhjes

Jekaterina Duntsova formalizoi kandidaturën e saj për zgjedhjet presidenciale të marsit në Rusi. Ky personalitet pak i njohur, që mbështet paqen në Ukrainë, u zgjodh nga një grup prej 521 personash, nga 500 që është pragu elektoral rus në rast se një kandidat nuk mbështetet nga një parti.

Ish-anëtarja e Këshillit Bashkiak të Rjevit, një qytet rreth 200 kilometra larg Moskës, tani duhet të presë për vlefshmërinë e figurës së saj nga Komiteti Qendror Elektoral përpara se të kalojë në mbledhjen e firmave, që duhet të arrijnë në 300 mijë nënshkrime në mbarë vendin.

Nëse arrin të garojë si e pavarur në garën presidenciale ruse, ish-gazetarja shpreson të kthehet në një sfiduese e fortë kundër Vladimir Putin, pavarësisht akuzave se mund të jetë vetëm një lodër e pushtetit për të legjitimuar këto zgjedhje.

Vetë kreu i shtetit rus ka përmbushur të gjitha procedurat e nevojshme dhe ka nisur tashmë mbledhjen e firmave për mandatin e pestë në krye të Kremlinit, për të cilin askush nuk ka dyshime.

LEXONI GJITHASHTU:

• “Rusia gjenocid ekologjik”, shembja e digës së Kakhovkës, Kievi padit Moskën në Hagë
• Rusia përshëndet fitoren e Vuçiç në zgjedhje