Rizgjidhet për herë të dytë president i Barcelonës, Laporta: Le të bëjmë një tjetër përmbysje në Paris

Joan Laporta është emëruar presidenti i ri Barcelonës për herë të dytë, pasi fitoi garën ditën e djeshme.

Laporta u zotua se do të rinovonte kontratën me Lionel Messin, ky i fundit u shpreh hapur se dëshironte të largohej nga Barcelona që verën e 2020, pas humbjes 8-2 ndaj Bayern Mynih në Ligën e Kampionëve.

Ai fitoi më shumë se 54 përqind, ndërsa i dyti më i votuari ishte Victor Font me 30 % të votave dhe i treti pozicionohej Toni Freixa.

Në votime mori pjesë edhe ylli argjentinas, i cili votoi së bashku me djalin e tij. Pas fitores presidenti i Barcelonës u shpreh se duke parë Messin në votime, përforcon më tepër tezën e thënë gjatë gjithë kësaj kohës, se ai e do Barçën dhe mund të qëndrojë.

“Tani le të shkojmë në Paris dhe të shohim nëse mund të bëjmë një tjetër përmbysje”- u shpreh Laporta.

Barcelona përballet të mërkurën me Paris Saint-Germain në çerekfinalen e Ligës së Kampionëve, katalanasit do të provojnë të përmbysin rezultatin në Paris, pas humbjes 4-1 në “Camp Nou”.

Laporta pasoi Josep Maria Bartomeun, i cili dha dorëheqjen në tetor të 2020. 58-vjeçari rizgjidhet president për herë të dytë pas 10 vjetësh, nga eksperienca e mëparshme midis viteve 2003-2010

Afati më i gjatë, detyra e Laporta do të jetë rindërtimi i një klubi në krizë, me borxhe dëmtuese të përkeqësuar nga pandemia dhe Messi duke konsideruar largimin falas kur kontrata e tij skadon këtë verë.

Laporta afroi në “Camp Nou” yllin brazilian Ronaldinho dhe ish-sulmuesi kamerun Samuel Eto’o në punën e tij të parë si president, nën drejtimin e Pep Guaridolës Barcelona fitoi Ligën e Kampionëve dy herë, katër tituj të La Ligës dhe Copa del Rey.

Kapiteni i Barcelonës është duke kaluar një formë të mirë këtë sezon, ku në 34 ndeshje ka shënuar 24 gola dhe 11 herë ka asistuar për shokët e skuadrës.