PD përgënjeshtron tërheqjen e Bujar Leskajt nga lista e kandidatëve në Vlorë

Zyra për shtyp e Partisë Demokratike hodhi poshtë lajmin e rrjedhur në media sipas së cilit gjatë një mbledhjeje në degën e Vlorës kryesuesi i listës së kandidatëve për deputetë të këtij qarku, Bujar Leskaj, ishte tërhequr nga kandidimi.

PD tha se ky lajm “nuk është i vërtetë” dhe se Leskaj “është në krye të detyrës”.

Lajmi për tërheqjen e Leskajt qarkulloi mbrëmjen e së martës pas një mbledhjeje të mbajtur në degë ku u raportua për debate rreth emrave të kandidatëve të vendosur në listë.

U tha se z. Leskaj kishte shprehur rezerva për listën dhe kishte kërkuar që të rishikohet renditja. Mirëpo PD i konsideroi këto raportime si “shpifje”.

Kryetari i degës së PD në Vlorë, Genc Deromemaj për Euronews Albania tha se dega e PD është në krye të punës dhe se lajmi për tension ka dalë nga kundërshtarët.

Kandidatët e PD në Qarkun e Vlorës (12 mandate gjithësej):

1. Bujar Leskaj
2. Ina Zhupa
3. Fatjon Veizaj
4. Arbi Agalliu
5. Gëzim Ademaj
6. Nadire Meçorapaj
7. Jolio Dine
8. Julian Zoto
9. Nada Daullja
10. Lasko Nasti
11. Atird Hoxha
12. Alta Haluci
13. Lorenc Danaj
14. Edmond Fetahu
15. Manjola Nikollo
16. Hysni Sharra
17. Idlir Gumbardhi
18. Afrovita Dhimojani

Lexoni gjithashtu:

Kandidatët e PD-së për zgjedhjet e 25 prillit, lista e plotë