Shitën armë në Tajvan, Kina sanksionon 5 industri amerikane

Kina ka vendosur sanksione kundër pesë prodhuesve amerikanë në shenjë hakmarrjeje për shitjen e fundit të armëve amerikane në Tajvan, tha sot në Pekin një zëdhënës i Ministrisë së Jashtme.

Shitjet e armëve nga Uashingtoni në Taipei janë një burim tensionesh të shpeshta me Pekinin. Sanksionet janë vendosur disa ditë para se Tajvani të mbajë zgjedhjet presidenciale dhe parlamentare të shtunën, 13 Janar.

Për Pekinin, zgjedhjet po mbahen në një periudhë midis paqes ose luftës.

Në dhjetor, Departamenti i Shtetit miratoi shitjet e pajisjeve me vlerë 300 milionë dollarë në Tajvan, veçanërisht për ta ndihmuar atë të mirëmbajë sistemet ushtarake të IT.

Për diplomacinë kineze, shitja e fundit “minon seriozisht sovranitetin kombëtar të Kinës dhe interesat e sigurisë kombëtare, rrezikon seriozisht paqen dhe stabilitetin në ngushticën e Tajvanit”.

Kompanitë që do të sanksionohen janë BAE Systems Land and Armaments, Alliant Techsystems Operations, AeroVironment, Viasat dhe Data Link Solutions.

Autoritetet në Pekin do të ngrijnë çdo burim të këtyre kompanive në juridiksionin e tyre dhe do të ndalojnë çdo person fizik ose juridik në Kinë të bëjë biznes me to, thuhet në deklaratën e Ministrisë së Punëve të Jashtme.

LEXONI GJITHASHTU: 

• Serbia thotë se ka zbuluar arsenal armësh në një makinë me targa RKS
• Me shenja dhune në fytyrë e trup, video e shqiptarëve që u sulmuan në Malin e Zi