Stano: Ja kur do ia heqim masat Kosovës

Zëdhënësi i Bashkimi Evropian, Peter Stano, ka thënë se masat ndaj Kosovës do të vazhdojnë të mbeten ende në fuqi deri në momentin kur prej saj do të ndërmerren hapa të mjaftueshëm pozitive.

“Sa i përket masave, natyrisht se ne po e përcjellim situatën çdo ditë nga afër. Ne kemi njerëz në terren dhe i kemi dedikuar përpjekjet dhe vëmendjen tonë për të parë se çfarë po ndodh”, tha Stano.

Qeveria e Kosovës ishte njoftuar për masat e BE-së më 28 qershor dhe ato hynë në fillim të korrikut. Ato u vendosën për shkak të mospërmbushjes së kushteve të BE-së dhe Shteteve të Bashkuara për shtensionimin e situatës në veri të Kosovës.

Me tej, ai shtoi se takimi i ardhshëm në mes kryeministrit të Kosovës, Albin Kurti dhe presidentit të Serbisë, Aleksandër Vuçiç do të jetë në çdo kohë kur ka vullnet dhe kur ka një agjendë për të.

LEXONI GJITHASHTU:

• Njohu pasaportat, Spanja: Kjo nuk nënkupton njohjen e pavarësisë së Kosovës
• BE-ja mirëpret vendimin e Kosovës dhe Serbisë për targat