Man Utd synon De Ligt, Ten Hag i “mbyll” derën Benzema

Pjesa e parë e merkatos së transferimeve të muajit janar është mbyllur, me konkretizimet të cilat kanë qenë të pakta.

Kur tashmë jemi në javën e 3-të të lëvizjeve të futbollistëve, vijojnë të qarkullojnë disa emra. Manchester United nuk po gjen qetësi, ndërsa lufta bëhet për një mbrojtës. Mathijs de Ligt është synimi i radhës, mbrojtësi që luan në Bundesligë. Holandezi i Bayernit nuk po gjen minutazhin e mjaftueshëm e në këtë situata Ten Hag ka shprehur pëlqimin për ta transferuar në Angli.

Lidhur me thashethemet e qarkulluara në merkato, klubi britanik i ka mbyllur derën sulmuesit Karim Benzema. I përfolur si një lojtar që mund të kalonte tek Chelsea apo djajtë e kuq, por drejtuesit kanë pohuar se kushtet ekonomike dhe mosha e lojtarit nuk përputhen.

Arsenali është me sytë drejt Serisë A, aty ku synon afrimin e Joshua Zirkzee. Sulmuesi i Bolonjës i cili kaloi nga rekordmenët e Gjermanisë drejt Italisë po shkëlqen, duke u kthyer në një lojtar kyç. Vlera e tij përllogaritet rreth 35 milionë euro, ndërsa në muajin janar është thuajse e pamundur të arrihet marrëveshja. Për më tepër, pëlqimin ndaj lojtarit e kanë shfaqur disa skuadra të tjera në ligat kryesore të Evropës.

LEXONI GJITHASHTU:

• Ten Hag drejt shkarkimit, Zidane pranë Manchester United