Dita e Unitetit të Ukrainës, kryeministri i Polonisë viziton Kievin

Kryeministri i Polonisë, Donald Tusk, ka mbërritur sot në Kiev, në kuadër të një vizite në Ukrainë.

Lajmin e kanë bërë të ditur mediat e huaja, sipas të cilave, Tusk ka mbërritur në Kiev pak orë më parë, ku pritet të diskutohet lidhur me agresionin rus.

Varshava është shfaqur si një aleat kyç për Kievin, pasi Ukraina aktualisht është duke u mbrojtur nga Rusia dhe ka kërkuar më shumë mbështetje financiare dhe ushtarake nga partnerët perëndimorë.

Vizita e zotit Tusk përkon me festën e Ditës së Unitetit të Ukrainës. Kujtojmë se që prej 24 shkurtit të dy viteve më parë, pas agresionit të pajustifikuar nga Rusia, lufta në Ukrainë i ka marrë jetën mijëra personave civilë e ushtarakë.

LEXONI GJITHASHTU:

• Sunak në Kiev: NATO, më e fortë me anëtarësimin e Ukrainës
• Kievi paralajmëron: Rusia mund të mposht mbrojtjen ajrore të Ukrainës