Vetëvrasja e policit pas shkarkimit|Rexhepi: Pse kryebashkiakun e Kuçovës s’e hoqën?

Eksperti i Sigurisë, Artan Rexhepi, është shprehur se duhet të ketë një standart barazie në shtet, në trajtimin e çështjeve të caktuara.

Komentet Rexhepi i bëri në Euroneës Albania, ku komentoi vetëvrasjen e nënkomisarit të Policisë në Durrës, pasi e hoqën nga puna, për shkak të një plagosje që ai kishte kryer.

Rexhepi tha se kryebashkiaku i Kuçovës kishte të njëjtin dënim me efektivin e Policisë, por atë e lanë në detyrë, gjë që sipas tij tregon pabarazi.

“Gjëja që më bëri përshtypje është vlerësimi me dy standarte. Një kryebashkiak me 150 orë pune në komunitet vijon dhe qëndron në punë, ndërsa një oficer policie për vepra anloge, në aspektin e dënimit… Duhet të ketë një standart shteti.

Nuk kemi pse mbajmë polic të korruptuar në detyrë, por nuk kemi edhe pse i flakim kështu si leckë në rrugë, nuk është mirë.

Ndoshta kjo ka edhe politika të tjera, siguracione, etj nëse i largon. Pastaj duhet të ketë edhe mbështetje financiare, sepse ai që është polic i mirëfilltë dhe të përfundojë në Polici private me rroga të ulëta…”, tha Rexhepi.