Zuckerberg u kërkon falje familjeve që fëmijët u janë dëmtuar nga rrjetet sociale

Drejtori ekzekutiv i Meta Mark Zuckerberg u ka kërkuar falje familjeve të cilët shprehen se fëmijët e tyre janë dëmtuar nga rrjetet sociale.  Zuckerberg e bëri deklaratën gjatë një seance në Senatin amerikan.

Ai dhe pronarët e TikTok, Snap, X dhe Discord u morën në pyetje për gati katër orë nga senatorët.

Ligjvënësit donin të dinin se çfarë po bëjnë këto platforma për të mbrojtur fëmijët në internet.

Legjislacioni aktualisht po kalon në Kongres, i cili synon t’i detyrojë kompanitë e mediave sociale të japin llogari për materialin e postuar në platformat e tyre.

Seanca dëgjimore ishte një mundësi e rrallë për senatorët amerikanë që të merrnin në pyetje bosët e teknologjisë. Zuckerberg dhe CEO i TikTok,  ranë dakord vullnetarisht të dëshmonin – por drejtuesit e Snap, X (ish Twitter) dhe platforma e mesazheve Discord fillimisht refuzuan.