U kap me telefon në timon, shoferi tenton të korruptojë policët. Pamjet e arrestimit

Një shtetas është ndaluar nga Policia Rrugore në Tiranë pasi tentoi të korruptonte efektivët që e kapën në shkelje.

Shoferi u ndalua teksa përdorte telefonin gjatë drejtimit të mjetit në rrugën “Asim Vokshi”. Në momentin që policët i kërkuan dokumentet e identifikimit dhe ato të mjetit, shoferi tentoi t’i korruptonte duke i dhënë një kartmonedhë 2 mijë lekë.

Ai u shoqërua në komisariat dhe materialet u referuan në prokurori për veprime të mëtejshme.

“Së fundi, në rrugën “Asim Vokshi”, Tiranë, efektivët e Policisë Rrugore kanë ndaluar një shtetas i cili gjatë drejtimit të automjetit, po përdorte aparatin celular dhe me qëllim shmangien e ndëshkimit ligjor, ka tentuar të korruptojë punonjësin e Policisë, duke i ofruar një shumë parash.

Ky veprim jo vetëm që shkel ligjin, por minon edhe besimin në institucionet tona.

Jemi të ndërgjegjshëm dhe zgjedhim rrugën e drejtësisë dhe të integritetit”, thuhet në njoftimin e policisë.