27-vjeçarja vrau veten për shkak të fotos intime, arrestohet 39-vjeçari në Kamëz

Është zbardhur vetëvrasja e 27-vjeçares Sibora Abedini dy ditë më parë në Kamëz.

Policia bën me dije se e reja se u vetëhodh nga tarraca e katit të katërt dhe për pasojë humbi jetën, për shkak se iu shpërnda një foto intime në rrjetet sociale.

Për këtë ngjarje në pranga ka rënë Altin Çoku, pasi ishte ky i fundit që i ka ndarë foton intime në rrjetin social “Tik Tok”.

39-vjeçari akuzohet për veprën penale “Shkaktimi i vetëvrasjes”.

“Ky shtetas dyshohet se ka publikuar një foto intime të 27-vjeçares, e cila dyshohet se për këtë shkak është vetëhedhur nga tarraca e katit të 4-t dhe si pasojë e dëmtimeve të marra, ka humbur jetën”-njofton policia.

Materialet procedurale i kaluan Prokurorisë, për veprime të mëtejshme.

LEXONI GJITHASHTU: 

• Të paktën 50 të vrarë nga sulmi në Rafah, Izraeli liron 2 pengje 
• Reshje dhe ulje temperaturash deri të mërkurën, parashikimi i motit për javën