Tirana pret Samitin e vendeve të Ballkanit Perëndimor, mungon Kurti

Tirana pret sot Samitin Rajonal mbi Planin e Rritjes dhe Konvergjencës me fokus integrimin e Ballkanit Perëndimor drejt Bashkimit Europian, si edhe zbatimin e Planit të Rritjes për Ballkanin Perëndimor.

Ky samit do të ofrojë gjithashtu mundësi të reja për një shkëmbim pikëpamjesh mbi të ardhmen evropiane të rajonit dhe mbi sfidat e përbashkëta rajonale. Në samit do të jetë i pranishëm Komisioneri i Bashkimit Evropian për Zgjerimin dhe Fqinjësinë, Oliver Varhelyi.

Në listën e pjesëmarrësve në takim mungon emri i kryeministrit të Kosovës Albin Kurti, i cili nuk do të jetë në këtë samit.

Euronews Albania pyeti zyrën e shtypit të kryeministrit Kurti dhe mori këtë përgjigje:

“Për shkak të angazhimeve të mëparshme, kryeministri Kurti nuk do jetë i pranishëm fizikisht në samitin e sotëm në Tiranë. Megjithatë kryeministri Kurti do të jetë pjesë e samitit virtualisht përmes një video-adresimi”.

Axhenda e samitit

09:30 MBËRRITJA E LIDERËVE (Pallati i Kongreseve)

09:45 FJALËT HAPËSE KRYEMINISTRI RAMA – KOMISIONERI VARHELYI

10:45 FOTO FAMILJARE

12:00 FIRMOSJA E MARRËVESHJES

12:30 KONFERENCË PËR SHTYP

Lisa e Pjesëmarrësve1-Edi Rama – Kryeministër i Shqipërisë2-Aleksandër Vuçiç – President i Serbisë3-Milojko Spajiç – Kryeministër i Malit të Zi4-Borjana Kristo – Presidente e Këshillit të Ministrave të Bosnjes dhe Hercegovinës5-Talat Xhaferi – Kryeministër i Maqedonisë së Veriut6-Oliver Varhelyi – Komisioneri i BE-së për Zgjerimin7-Majlinda Bregu – Sekretare e Përgjithshme për Bashkëpunimin Rajonal8-Danijela Gacevic – Drejtuese në detyrë e CEFTA-s9-Gert Jan Koopman – Drejtor i përgjithshëm i grupit negociator të KE për Fqinjësinë dhe Zgjerimin10-Xiaoqing Yu – Drejtoreshë e Bankës Botërore për Ballkanin Perëndimor11-Charlotte Ruhe – Drejtori menaxhues i BERZH-it për Evropën Qendrore dhe Juglindore12-Matej Zakonjsek – Drejtor i Sekretariatit të Komunitetit për Transportin13-Maja Pishkeviq –  Qendra e Evropës në Këshillin Atlantik dhe përfaqësuese e qendrës në Ballkanin Perëndimor14-Alessandro Bragonzi – Kreu i përfaqësimit rajonal për Ballkanin Perëndimor në Bankën Evropiane të Investimeve (EIB)15-Lulzim Rafuna – Kryetar i Dhomës së Tregtisë së Kosovës.