Bilbao mposht sërish Atletikon, baskët në finale të Kupës së Mbretit
Atletik Bilbao dhe Majorka janë dy skuadrat finalist të Kupës së Mbretit në Spanjë, me baskët të cilët u konfirmuan pasi eliminuan Atletikon e Madridit. Mbrëmjen e së enjtes në San Mames, të besuarit e Valverdes prodhuan një ndeshje spektakolare, duke mos e vendosur për asnjë çast në dyshim fitoren, e duke shkuar deri në stacionin e fundit të këtij kompeticioni, për të cilin padiskutim mund të konsiderohen ekspertë.
Një pjesë e parë që nisi mirë pas vrullit që i dhanë dyshja Inaki e Nico Willimas, të cilët shënuan nga një gol në minutat 13 dhe 42’. Atletiko shpërdoroi disa mundësi për të shënuar, ndërsa në fraksionin e dytë panorama ishte e njëjtë. Bilbao që provonte me kundërsulme, ndërsa në minutën e 61’ vulosi fitoren 3-0 me golin e Guruzeta, i cili nuk e pati të vështirë ta ndalte topin në rrjetë, pas një vendosje jo të mirë të difensivës kundërshtare.
Edhe në Wanda Metropolitano ishin baskët që triumfuan në ndeshjen e parë 0-1, duke bërë që rezultati total të jetë 4-0, e duke avancuar si favoritë në finale për fitimin e trofeut. Plot 23 herë e ka fituar kupën e mbretit kjo skuadër, teksa rekordin e mban Barcelona me 31 trofe, ndërsa në vendin e 3-të qëndron Reali me 20. Sa i përket Majorkas, ka fituar vetëm 1 kupë mbreti.
LEXONI GJITHASHTU:
“Opozitë e krimit”! Protestuesit nga selia e PS-së shkojnë para selisë së PD-së
Rama për median ndërkombëtare: Shqipëria nën sulm nga armiqtë dhe në luftë hibride
Dita e katër e protestës kundër projektit në Zvërnec, përplasje mes policisë dhe protestuesve
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta