Greqia mobilizon mjekët e privatit, ndihmë për spitalet shtetërore, apelit i përgjigjen 60 profesionistë

Qeveria greke ka vendosur të mobilizojë mjekët e sektorit privat për të ndihmuar spitalet shtetërore të cilët po përballen me një situatë të vështirë për shkak të rritjes së rasteve me covid-19.

Ministri i Shëndetësisë bëri me dije se 61 mjekë iu përgjigjën apelit nga 200 profesionistë që kërkohej për të plotësuar nevojat.

Vendimi sipas ministrit u mor në rrethanat e emergjencës  dhe nevojës urgjente për t’i siguruar ndihmë shtesë kujdesit shëndetësor.

Qeveria ka njoftuar gjithashtu se duke nisur nga muaji tjetër mjetet e testimit anti-Covid do të jenë në dispozicion të qytetarëve në farmaci.

Greqia do të ishte vendi i parë evropian që i bën mjetet të tilla vetë-testuese lehtësisht të disponueshme dhe pa pagesë.