Thirrje për vaksinim në Beograd

Dhoma e Tregtisë dhe Industrisë së Serbisë, në bashkëpunim me Qeverinë e Republikës së Serbisë, ka organizuar imunizimin e mijëra biznesmenëve dhe punonjësve tanë në kompani dhe do të vazhdojë me vaksinimin.

Ndërkohë ky institucion i ka bërë thirrje të gjithë biznesmenëve dhe punonjësve të tyre të cilët vijnë nga vendet e rajonit të Ballkanit, si Bosnje e Hercegovina, Maqedonia e Veriut, Mali i Zi, por edhe Shqipëria e Kosova, që nëse janë të interesuar të vijnë të vaksinohen në Beograd.

Kjo procedurë mundësohet me bashkëpunimin e Dhomave të Tregtsë dhe Industrisë së këtyre vendeve.

@cadezmarko has a message for the businesspeople in the Balkans ????????????

?Please contact the Chambers of Commerce and Industry in your country regarding vaccination of you and your employees, and see you in Belgrade!#oneregiononeeconomy #westernbalkans #covid19 pic.twitter.com/p4Vnfrq9Mx

— Privredna komora SRB (@Privrednakomora) March 24, 2021

Autoritetet Serbe kanë bërë të ditur se kanë siguruar 10.000 vaksina për biznesmenë dhe punonjës të cilët vijnë nga rajoni.

Në një deklaratë për shtyp është cilësuar se “Pas takimit me Ministren e Shëndetësisë të Malit të Zi, dr. Jelena Borovinić Bojić, Marko Čadež, President i Dhomës së Tregtisë dhe Industrisë së Serbisë, tha se vaksinimi i biznesmenëve dhe punonjësve të tyre nga Bosnja dhe Hercegovina, Mali i Zi, Maqedonia Veriore, Shqipëria, dhe Kosova do të organizohej fundjavën e ardhshme, në Beograd, për ata që dëshironin të mbroheshin nga Covid-19.”

“Tani ne duam të ndihmojmë fqinjët tanë të kenë sukses në ruajtjen e ekonomive të tyre, sepse vetëm në këtë mënyrë i gjithë rajoni mund të ecë përpara ” – tha Marko Čadež