“Oppenheimer” mbizotëron çmimet Oscar, përfshirë për filmin më të mirë

“Oppenheimer”, një film që ka të bëjë me garën se kush e ndërton bombën e partë atomike, i ka fituar shtatë çmime Oscar, përfshirë çmimin kryesor për filmin më të mirë, gjatë një ceremonie të dielën në Los Anxhelos.

Ky film ishte i nominuar për 13 çmime Oscar.

Aktori irlandez Cillian Murphy e fitoi çmimin për aktorin për rolin e tij në këtë film ku e luajti fizikanin teorik J.Robert Oppenheimer, lideri i përpjekjeve amerikane në vitet ’40 për ta krijuar një armë e cila do t’i jepte fund Luftës së Dytë Botërore.

Regjisori i “Opppenheimer”, Crhistopher Nolan, e fitoi çmimin për regjisorin më të mirë.

“Ne e bëmë një film për njeriun i cili e krijoi bombën atomike, dhe ne po jetojmë në botën e Oppenheimerit qoftë për mirë apo për keq”, tha Murphy pasi e mori çmimin e aktorit më të irë.

“Këtë çmim do të doja t’ua kushtoja paqebërësve kudo”, shtoi ai.

Drama historike, që zgjat tri orë, rreth shkencës dhe politikës “Oppenheimer” u bë hit dhe i fitoi 953.8 milionë dollarë, si dhe mori lëvdata të mëdha nga kritikët.

Ky ishte filmi i parë i Nolanit që fiton Oscar për filmin më të mirë.

Emma Stone e fitoi çmimin për aktoren më të mirë për rolin që e luajti si një grua e ngjallur nga të vdekurit në komedinë “Poor Things”.

“Kjo është vërtet e jashtëzakonshme”, tha Stone.

Robert Downey Jr. nga “Oppenheimer” dhe Da ‘Vine Joy Randolph nga “The Holdovers” fituan çmime si aktorët më të mirë në rol dytësor.

LEXONI GJITHASHTU: 

• Ndihma për banorët në gaza/ Rikthehen fondet e për refugjatët palestinezë
• Përplasja me Princ Lekën, reagon për herë të parë Elia Zaharia