Ndihma për banorët në gaza/ Rikthehen fondet e për refugjatët palestinezë

Disa vende kanë riaktivizuar fondet për Agjencinë e OKB-së për Refugjatët Palestinez, pavarësisht kritikave nga Izraeli. Qeveria e Izraelit pretendon se ka të dhëna se një pjesë e punëtorëve në këto agjenci u përfshinë ne sulmin terrorist të 7 tetorit.

Kanadaja, Suedia dhe Spanja kanë riaktivizuar fondet për Agjencinë e OKB-së për Refugjatët Palestinez.

Vendimi vjen pas më shumë se një muaji bllokim të fondeve për shkak të dyshimeve se disa prej personave që punonin me në këtë agjenci ishin përfshirë në sulmet e Hamasit më 7 tetor.

Autoritetet izraelite e kanë kritikuar ashpër vendimin e vendeve perëndimore, duke e cilësuar si “gabim të rëndë”. Ministria e Jashtme e Izraelit tha se vendet po injoronin “përfshirjen e punonjësve në aktivitete terroriste”.  Një zëdhënësi i ushtrisë izraelite tha se  “më shumë se 450 punonjës ose operatorë ushtarakë OKB ishin pjesë e grupeve terroriste në Gaza”.

Në të njëjtën kohë, Izraeli ka shprehur mbështetjen e tij për projektet ndërkombëtare humanitare. Qeveria e Izraelit tha se po koordinonte  përpjekjet për të ndërtuar një port lundrues amerikan për të lejuar hyrjen e ndihmave masive humanitare në Gaza.

Më herët, zyrtarët izraelitë i dhanë dritën jeshile projektit të Komisionit Evropian, duke përfshirë vendosjen e një ngarkese detare të ngarkesave humanitare. Anija Open Arms është ende duke pritur në portin e Qipros për të shkarkuar 200 tonë ushqime.

Ndërsa të shtunën një avion i forcave amerikane hodhi ndihma të reja në veri të Gazës. Komanda Qendrore e SHBA tha se dërgesa përfshinte furnizime që arrinin në më shumë se 41 mijë vakte ushqimore dhe 23 mijë  shishe ujë.

LEXONI GJITHASHTU: 

• “Greqia na ka ndihmuar kur…”/ Daci: Konfliktet nuk zgjidhen me frymë nacionaliste
• Edmond Tupe: Fjalët e pista mungojnë nga fjalori i Gjuhës Shqipe