Pamje të rënda|Shqiptari godet me makinë gruan dhe e dhunon në mes të rrugës (VIDEO)

Një ngjarje e rëndë raportohet të ketë ndodhur në Itali, ku një 41-vjeçare shqiptare është tentuar të vritet nga ish-partneri i saj, një 50-vjeçar shqiptar.

Ngjarja ka ndodhur pasi gruaja kishte vendosur t’i jepte fund ndarjes një javë më parë, gjë që nuk ishte pranuar nga shqiptari.

Lidhur me këtë ngjarje të rëndë, janë publikuar edhe pamjet e kamerave të sigurisë të bizneseve aty pranë, që vërtetojnë dhunën.

Sipas mediave të huaja, bëhet me dije se ajo u shpëtua nga Carlo, një kryebrigadier 71-vjeçar i Carabinieri ROS, i dalë në pension.

I moshuari nuk e konsideron veten “një hero”, pavarësisht se ai shpëtoi gruan, e cila rrezikoi të goditet nga një fuoristradë e drejtuar nga një prej bashkatdhetari i saj, në Novi Ligure (Alessandria).

Sulmuesi është arrestuar sot nga policia, me akuzën e tentativës për vrasje.

Karabinieri me leje po ecte përgjatë Viale Aurelio Saffi dje pasdite, kur ndodhi ngjarja.

“Pashë gruan që ishte e shqetësuar” – i tha mikrofonave të Ore14, në Rai2 – “pastaj pashë makinën në rrugë e cila kaloi me shpejtësi të plotë, bëri një kthesë dhe kuptova se diçka do të ndodhte”, tha ai më tej.

“Makina goditi një stol dhe një shatërvan. Më pas pashë gruan në tokë dhe mendova për një sëmundje, vazhdoi ish-polici. Pashë burrin duke zbritur nga makina që e kapi gruan nga flokët dhe e rrahu duke e goditur me grusht në fytyrë. Ndërhyra dhe e ndalova. Ai tentoi të arratisej me makinë por e ndalova sërish dhe ia dorëzova policisë, që kishte mbërritur në vendngjarje. Nëse unë nuk do të kisha qenë, do ta kishte vrarë”, përfundon karabinieri i pensionuar.

LEXONI GJITHASHTU:

• 41-vjeçarja shqiptare në Itali rrihet nga ish-partneri, shpëtohet nga një 71-vjeçar
• Sekuestrohen mijëra euro dhe kokainë në Itali, 36 të arrestuar, mes tyre shqiptarë