Në karrige me rrota e me shenja në fytyrë, pamjet kur terroristët dalin në gjykatë

Kanë dalë përpara gjykatës në Rusi katër personat e akuzuar si autorët e ekzekutimeve gjatë sulmit terrorist në Moskë, ku 137 persona u vranë në një sallë koncertesh.

BBC ka publikuar dhe pamjet kur të ndaluarit paraqiten në gjykatë. 3 prej tyre janë dërguar në sallën e gjyqit të përkulur dhe të rrethuar nga Forcat Speciale, ndërkohë që i katërti është dërguar në një karrige me rrota.

Të gjithë të ndaluarit duket se janë rrahur brutalisht gjatë marrjes në pyetje, ku kanë shenja mavijosjej në fytyrë. Ndërkohë që personi që shoqërohet në karrige me rrota duket se ka marrë goditje elektrike gjatë seancave brutale të marrjes në pyetje.

Të gjithë u akuzuan për kryerjen e një akti terrorist.

Terroristët e Shtetit Islamik, ose ISIS, morrën përsipër sulmin duke pasqyruar dhe video si prova.

Ndërkohë që zyrtarët rusë kanë pretenduar, pa prova për një përfshirje të Ukrainës.

Kievi nga ana tjetër thotë se pretendimi është “absurd”, pasi ata nuk janë të përfshirë.

Për të parë videon klikoni këtu.