Përfundon takimi 3-palësh për dinarin në Bruksel, zbardhen detajet

Ka përfunduar takimi trepalësh për çështjen e dinarit në Bruksel.

Sipas gazetarit të Euronews Albania, Kosovë Gjoci, takimi nuk pati ndonjë rezultat konkret, megjithëse atmosfera në të sipas tij nuk ishte e keqe.

Ai ka thënë se zëvendës-kryeministri, Besnik Bislimi, ka treguar se Kosova ka pasur një propozim që ofron që të gjithë serbët në Kosovë të pranojnë ndihmat nga Serbia pa asnjë problem, por edhe të mos lëndohet rregullorja e BQK.

Sipas tij, Bislimi nuk ka dhënë më tepër detaje dhe shtoi se propozimet që kanë pasur palët në tryezën e diskutimeve, kanë qenë të kundërta.

“Mund të themi se nuk pati rezultat, por pati një atmosferë jo të keqe. Po të kemi parasysh faktin se fillimisht ka pas shumë problem për të ardhur në një takim. Ajo që ka bërë që ky takim të dalë pa rezultat, është fakti se propozimet që kanë pasur palët për detyrë që të ofrojnë, sipas Bislimit janë diametralisht të kundërta.

Bislimi ka thënë se Kosova ka pasur një propozim që ofron që të gjithë serbët në Kosovë të pranojnë ndihmat nga Serbia pa asnjë problem, por edhe të mos lëndohet rregullorja e BQK.

Ky ka qenë edhe qëllimi i palës Kosovare, që kur u tërhoq nga vendimi se këto çështje nuk diskutohen në Bruksel. Takimi i sotëm që ka qenë i përbashkët, ku fillimisht ka qenë takimi trepalësh, secila palë ka pasur mundësi të arsyetojë qëndrimet e veta. Zoti Bislimi nuk ka pranuar që të japë detaje shumë, sepse sipas tij, kjo mund ta pengojë procesin”, tha Gjoci.

LEXONI GJITHASHTU:

• Kosova dhe Serbia diskutojnë sërish në Bruksel për dinarin serb
• Në Mal të Zi paralajmërojnë votë kundër pranimit të Kosovës në Këshillin e Evropës