Ulje tatimi rrogave të larta, preken 23 mijë punonjës me pagë mbi 200 mijë lekë

27 Mars 2024 | 17:01

Tatimi për pagat e larta do të ulet në muajin qershor. Nga vendimi do të përfitojnë 23 mijë punonjës që paguhen mbi 200 mijë lekë në muaj dhe paguajnë tatim mbi të ardhurat në nivelin 23%.

Në Shqipëri janë 23 mijë punonjës, të cilët marrin pagë mbi 200 mijë lekë. Me sistemin fiskal në fuqi, ata paguajnë 23% tatim mbi të ardhurat që marrin, fashë kjo e cila është gati 2 herë më e lartë se tatimi për pagat nën 200 mijë lekë.

Por, në mes të vitit ky tatim do të ndryshojë dhe ministria e Financave po përgatit disa skenarë për të marrë vendim në muajin qershor. Lajmi është bërë i ditur nga ministri Ervin Mete, në deklaratat e ditëve të fundit dhe parashikon që të lehtësojë barrën taksimit. Mundësitë janë që të caktohet një prag i ri për tatimin 23%, i cili mund të jetë mbi 3 apo 4 mln lekë ose norma 23% të ulet.

Sipas skemës aktuale, sot taksohen 13% pagat mujore nga 50 mijë deri në 200 mijë lekë dhe 23% pagat mbi 200 mijë. Në shifra janë rreth 680 mijë punonjës, të cilët vitin e kaluar paguan 57 mld lekë për arkën e shtetit, ose 12 mld lekë më shumë se në vitin 2022.

Për qeverinë, vendimi për të lehtësuar taksimin imponohet nga situata e qendrushme që po kalon vendi dhe rritjen e eficences në mbledhjen e të ardhurave.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Shqipëria bëhet e dyta më e shtrenjta në Ballkan për qiratë ditore

Fluksi i lartë i të huajve që po vijnë në Shqipëri, të nxitur nga çmimet e lira të akomodimit, po çon në një shtrenjtim të...
14:50 | 03/06/2026

Këmbimi valutor 3 qershor/ Me sa blihen e shiten monedhat kryesore

Në tregun e këmbimit valutor shqiptar, një dollar amerikan do të blihet sot me 81.4 lekë dhe do shitet me 82.4 lekë. Ndërkohë monedha evropiane...
08:58 | 03/06/2026

Shqipëria humbi 28 500 banorë në 2025, mosha mesatare arrin në 45 vjeç

Shqipëria ka hyrë në një fazë të re të krizës demografike. Të dhënat më të fundit të INSTAT tregojnë se popullsia e vendit ka zbritur...
17:25 | 02/06/2026