Protesta të dhunshme në Athinë, plagosen tre oficerë policie

Ditën e djeshme, kryeqyteti i Greqisë u përfshi nga protesta të dhunshme, ku mbetën të plagosur tre oficerë policie.

Protestat nisën për shkak të dhunimit të një te riu pak ditë më parë nga forcat e rendit.

Me shume se 1000 persona vërshuan në rrugët e lagjes “Nea Smirni” në Athinë duke protestuar para rajonit policor.

Grupe të rinjsh hodhën bomba molotov, gurë dhe sende të tjera drejt ndërtesës.

Ndonëse Athina është nën masa të forta kufizimi kjo nuk i ka ndalur protestuesit të shkaktojnë trazira.

Kryeministri Kyriakos Mitsotakis, akuzoi opozitën për minimin e masave izoluese duke bërë thirrje për protesta.