75 vjet NATO, Basha: Aleanca më e  madhe, më e fuqishme e më e suksesshme në histori

Kreu i Partisë Demokratike, Lulzim Basha, ka shpërndarë në rrjete sociale një postim në lidhje me 75 vjtorin e krijimit të NATO-s.

Basha e shoqëron postimin me foton e aktit të anetarësimt të Shqipërisë në aleancë, të firmosur prej tij dhe të ekspozuar këtë të enjte në selinë e NATO-s.

Kryedemokrati ka shpërndarë gjithashtu dhe mesazhin e Sekretares amerikane të Shtetit Madeleine Albright në 50 vjetorin e Aleancës.

“Kumbon sot mesazhi i Sekretares amerikane të Shtetit Madeleine Albright në 50 vjetorin e Aleancës:

“Ne e dimë se kur demokracitë e Europës dhe Amerikës ndahen, krijohen çarje midis të cilave mund të shfaqen forcat e së keqes dhe agresionit, por kur qëndrojmë së bashku nuk ka asnjë forcë mbi tokë më të fuqishme se solidariteti ynë në emër të lirisë”

15 vite më parë Shqipëria u bë anëtare e Aleancës, dhe për këtë sot çdo shqiptar duhet të ndjehet krenar”, shkruan Basha në facebook.

LEXONI GJITHASHTU:

• 15 vjet në NATO, Basha: Nder të shërbeja si ministër në këtë moment të veçantë
• Basha uron Pashkën: Drita e shpresës të ndezë besimin se ditë më të mira na presin