Biden në presion nga demokratët, i kërkohet të mos i shesë më armë Izraelit

Presioni ndaj presidentit Biden në SHBA sa vjen e po shtohet në lidhje me qëndrimin që ai duhet të mbajë ndaj Izraelit për luftën në Gaza.

Ish-kryetarja e Dhomës së Përfaqësuesve, Nancy Pelosi, i është bashkuar thirrjeve të demokratëve të Dhomës së Përfaqësuesve për të ndalur shitjet e armëve amerikane për Izraelit.

Zërat kundër Izraelit janë shtuar ndjeshëm në SHBA sidomos pas sulmit të fundit kundër punonjësve të ndihmave dhe situatën humanitare në Rripin e Gazës.

Në një letër drejtuar presidentit amerikan, Joe Biden dhe Sekretarit amerikan të Shtetit, Antony Blinken, Pelosi dhe dhjetëra demokratë të tjerë shprehin zemërimin e tyre të përbashkët për sulmin izraelit që vrau shtatë punonjës të ndihmave humanitare.

“Në dritën e këtij incidenti, ne ju nxisim fuqimisht që të rishqyrtoni vendimin tuaj të fundit për të autorizuar transferimin e një pakete të re armësh në Izrael dhe të ndaloni këtë dhe çdo transferim të ardhshëm të armëve sulmuese deri në përfundimin e një hetimi të plotë mbi sulmin ajror”, theksohet në letrën drejtuar Biden.

LEXONI GJITHASHTU: 

• Biden i prerë me Netanyahun: Mbështetja amerikane për luftën varet nga masat e reja
• Biden: Mbështetja e SHBA-së për Izraelin varet nga mbrojtja e civilëve