Musk: Inteligjenca artificiale do ta kalojë inteligjencën njerëzore vitin e ardhshëm

Inteligjenca artificiale (AI) do të tejkalojë inteligjencën e çdo njeriu deri në fund të vitit të ardhshëm, me kusht që të ketë energji elektrike dhe pajisje të mjaftueshme, tha sipërmarrësi amerikan Elon Musk në një intervistë me CEO të fondit sovran të pasurisë norvegjeze, Nikolaj Tangen.

Ai beson se aftësitë e inteligjencës artificiale do të tejkalojnë aftësitë e gjithë njerëzimit brenda pesë viteve.

Musk vuri në dukje se zhvillimi i teknologjisë AI deri më tani është ngadalësuar nga mungesa e çipave të nevojshëm, veçanërisht gjysmëpërçuesve nga Nvidia, të cilët janë thelbësorë për trajnimin dhe funksionimin e inteligjencës artificiale.

Sipas tij, një tjetër faktor ndërlikues në zhvillimin e inteligjencës artificiale është kapaciteti i kufizuar i rrjetit elektrik.

Kohët e fundit, kufizimet e lartpërmendura janë dobësuar, kështu që pengesa më serioze për përparimin e AI mund të jetë mungesa e energjisë elektrike, thekson Musk.

E gjithë intervista, e cila zgjat 20 minuta, gjendet në profilin e Nikolaj Tangen në platformën X (Twitter).

LEXONI GJITHASHTU:

• Elon Musk: Starlink vjen në Shqipëri!
• Musk pretendon se pajisja e kompanisë së tij Neuralink mund të kurojë verbërinë