Policia australiane: Sulmi në kishën e Sidnej ishte akt terrorist

Policia në Australi njoftoi sot se sulmi me thikë në kishën në Sidnej ishte një “akt terrorist” me motive fetare, raporton BBC.

Një djalë 16-vjeçar është arrestuar pasi një udhëheqës fetar, prift dhe adhurues u sulmuan gjatë një shërbimi në Kishën e Krishtit, Bariut të Mirë në perëndim të Sidnej dje.

Mediat lokale raportojnë se prifti i quajtur At Isaac Royel dhe udhëheqësi fetar Mar Marie Emmanuel u sulmuan.

Sulmi ndodhi në Wakeley, 30 kilometra në perëndim të qendrës së biznesit të Sidneit, dje në orën 19:00 me orën lokale, gjatë një shërbimi që u transmetua drejtpërdrejt në internet dhe gjatë incidentit u plagos edhe sulmuesi.

Shefi i policisë së Uellsit të Ri Jugor Karen Webb tha këtë mëngjes se udhëheqësi fetar dhe prifti i ishin nënshtruar një operacioni dhe ishin “me fat që ishin gjallë”. Webb tha se adoleshenti dyshohet se i bëri komente me motive fetare liderit fetar teksa ai afrohej.
Policia beson se qëllimi i sulmit ishte të frikësonte besimtarët.

Sulmuesi veproi i vetëm dhe, megjithëse “i njohur për policinë”, nuk ishte në listën e vëzhgimit të terrorizmit. Autori i dyshuar i është nënshtruar një operacioni pasi ka pësuar lëndime në duar dhe ende nuk është e qartë nëse ai ka lënduar veten apo në një konflikt me besimtarët.

Videot e sulmit u përhapën në mediat sociale dhe qindra njerëz u dyndën shpejt në Kishën Ortodokse Asiriane, e vendosur rreth 35 kilometra në jugperëndim të qendrës së qytetit.

LEXONI GJITHASHTU:

• Sidnej nuk është më qyteti më i populluar në Australi, ja kush e merr ‘fronin’
• Vdekja misterioze e dy motrave saudite në Sidnej