Një grua vritet nga bashkëshorti i saj në Pejë

Një grua dyshohet është vrarë me armë zjarri nga bashkëshorti i saj në banesën e tyre në Pejë.

Kështu konfirmoi për Radion Evropa e Lirë, Shkodran Nikqi, zëdhënës i Prokurorisë Themelore në Pejë.

Nikqi tha se i dyshuari është arrestuar dhe i është konfiskuar arma.

“Jemi në pritje të Institutit të Mjekësisë Ligjore që të tërheqë trupin e pajetë” nga vendi i ngjarjes, tha ai.

Ky është rasti i dytë në pesë ditët e fundit, e vrasjes së grave në Kosovë. Më 12 prill, një 21-vjeçare u vra brenda zyrës së Qendrës për Punë Sociale në Ferizaj.

Mediat raportuan se dorasi ishte ish-bashkëshorti i saj. Ndaj tij, autoritetet kanë shqiptuar masën e paraburgimit prej një muaji.

Nga viti 2010 në Kosovë janë vrarë 57 gra.

LEXONI GJITHASHTU:

• Sot, 25 vjet nga eksodi i shqiptarëve nga Kosova
• Këshilli i Sigurisë së Kosovës mblidhet pas sulmit të Iranit kundër Izraelit