Izraeli sulmon Iranin, goditet baza ushtarake në Isfahan

Izraeli nisi një sulm në territorin iranian këtë mëngjes, tha një zyrtar amerikan i paidentifikuar për CNN. Objektivi nuk është bërthamor, sipas këtij zyrtari.

Shtrirja e objektivave nuk u specifikua, por “vendet bërthamore dhe civile nuk ishin në atë kategori”, shtoi një tjetër zyrtar, sipas televizionit amerikan.

Televizioni shtetëror iranian raportoi se tre dronë u vunë re mbi qiell në Isfahan rreth orës 12:30 me orën lokale dhe u shkatërruan pasi sistemi i mbrojtjes ajrore të vendit u aktivizua, sipas “Reuters”.

Më herët agjencia gjysmëzyrtare e lajmeve “Fars” raportoi se “shpërthime” janë dëgjuar pranë aeroportit ndërkombëtar në Isfahan.

Dy zyrtarë amerikanë konfirmuan për CBS News se një raketë izraelite goditi Iranin.

LEXONI GJITHASHTU:

• Britania e Madhe dhe SHBA vendosin sanksione ndaj Iranit
• SHBA miraton operacionin Rafah, kusht që Izraeli mos t’i kundërpërgjigjet Iranit