Pozuan lakuriq në dunën “Big Daddy”, Namibia i fut turistët në listën e zezë

Autoritetet në Namibi kanë dënuar turistët që pozuan lakuriq në një nga atraksionet kryesore të vendit, dunën Big Daddy në shkretëtirën Namib. Vizitorët i thanë një gazete lokale se ishin të tronditur nga sjellja dhe bënë thirrje për veprim kundër turistëve.

Të huajt e paidentifikuar mund të futen në listën e zezë dhe do ndalohen të hyjnë në ndonjë nga parqet e Namibisë, tha një zëdhënës i ministrisë së turizmit për mediat lokale.

Kenneth Nependa, nënkryetar i Federatës së Shoqatave të Turizmit Namibian, i tha uebsajtit të lajmeve Namibian Sun se sjellja rrezikonte të tërhiqte turistë “të cilët mendojnë se gjithçka bëhet në Namibi”.

“Është shumë pështirë dhe me të vërtetë krijon një imazh të keq për Namibinë,” tha zoti Nependa, duke shtuar se duna Big Daddy nuk ishte vetëm një vend relaksues për turistët, por edhe për familjet.

Nuk dihet se kush i ka bërë fotot dhe videon e tre turistëve meshkuj, të cilët shihen të zhveshur në dunën ranore, pranë rrobave të tyre. Turistët ishin larguar nga vendi në kohën kur autoritetet morën raportet.

LEXONI GJITHASHTU:

• Banorët e Venecias kundërshtojnë me protesta tarifën ndaj turistëve
• Kthehet pagesa për hyrjen në muze, turistët e huaj do kompensohen nga agjencitë