Zvicra “del” nga neutraliteti, paketë ndihme prej 4.4 miliardë paundsh për Ukrainën

Një komitet parlamentar zviceran ka mbështetur një paketë ndihme prej 4.4 miliardë paund për Ukrainën.

Ndihma është pjesë e një pakete më të gjerë masash të ndërmarra për të përmirësuar sigurinë e brendshme të Zvicrës.

Mediat vendase raportojnë se 8.8 miliardë paund të tjera janë miratuar gjithashtu për ushtrinë zvicerane.

Parlamenti tha se financimi ishte një plan për sigurinë e Zvicrës ashtu edhe për “paqen në Evropë”.

Paratë për Ukrainën do të përdoren për të ndihmuar sektorin e rindërtimit.

Zvicra ka qenë nën presionin e aleatëve perëndimorë për të bërë më shumë për të ndihmuar Kievin.

Nacionalistët e krahut të djathtë në parlament, megjithatë, kanë bërë presion që vendi të mbajë një qëndrim rreptësisht neutral, ushtarakisht.

Kujtojmë gjithashtu se Zvicra do të presë një konferencë ndërkombëtare në javët e ardhshme, e cila do të shqyrtojë se si mund të arrihet paqja në Ukrainë.