Dueli i titanëve, Real dhe Bayern kërkojnë finalen e Champions League

Sytë e gjithë Evropës janë në Bernabeu aty ku luhet akti i dytë i klasikes mes Realit të Madridit dhe Bayernit, dy skuadra që luftojnë për biletën e mbetur të Ligës së Kampionëve. Pas kualifikimit të Dortmundit tani është radha për 1 tjetër skuadër që do të kompletonte kështu finalen e Londrës.

Në Madrid janë të bindur se kualifikimi është çështje orësh, e në shtëpi askush nuk i mposht, por bavarezët në sezonin e tyre më negativ besojnë se fati do t’i mbështesë. Ndeshja e parë e mbyllur në barazim 2-2 bën që gjithçka të nisë nga 0, e ashtu si në Mynih pritet spektakël i vërtetë.

Madrilenët i gëzohen rikthimit të Carvajal, por Alaba sërish nuk do të jetë pjesë e lojës, ndërsa në kampin gjerman nuk ka asgjë të re, Coman është rikthyer në stërvitje, por nuk është grumbulluar. Fitorja në Madrid është mision i vështirë, për të mos thënë i pamundur e këtë e tregon historia, por dëshira për lavdi mund ta ndryshojë këtë fakt, por galaktikët pak gjasa ka ta lejojnë të ndodhë. Fitimi i një trofeu që për nga numri është i 15-ti do të ishte historik, ndaj Reali do të bëjë gjithçka për ta arritur, por fillimisht i duhet të kapë finalen.