Protesta kundër masave kufizuese, qytetarët demonstrojnë në disa qytete të Rumanisë, përplasje me policinë

Qytetarët rumunë vijojnë të protestojnë duke kundërshtuar masat anti-COVID.

Pavarësisht paralajmërimeve dhe gjobave të marra, protestuesit u mblodhën për të tretën ditë duke marshuar drejt Ministrisë së Brendshme për të vijuar më pas për në Pallatin Presidencial.

Protestat kanë përfshirë disa qytete rumune.

Ata kërkojnë që maska të mos jetë e detyruar dhe të lehtësohen masat kufizuese të rivendosura ditën e dielë.

Në Craiova, (Rumania Jugperëndimore), protestuesit dogjën fotografitë e kreut të Departamentit për Situatat e Emergjencës.

Në Galati, (Rumania Lindore), ata që dolën në rrugë hodhën gurë dhe fishekzjarre.

Në Pitesti, (Rumania Jugore), u dëgjuan brohoritje ksenofobike dhe brohoritje si “hajdutë” dhe “vrasës”.

Një natë më parë në Bukuresht protestuesit u përplasen me policinë ku kjo e fundit përdori gazlotsjellës për të shpërndarë turmën, dhjetëra njerëz të plagosur dhe qindra të tjerë u arrestuan.

Dymbëdhjetë policë kishin nevojë për ndihmë mjekësore, e pothuajse 200 njerëz u gjobitën.

Drejtuesit e Partisë  të ekstremit të djathtë janë ata që kanë bërë thirrje për protesta të cilëve iu bashkuan edhe  punëtorët e sindikatës së metrosë dhe tifozë futbolli.

Protestuesit, shumica pa maska dhe pa ndjekur rregullat e distancës, shprehen  se masat e autoriteteve po ndikojnë shumë në ekonomi dhe jetën shoqërore.