Shpërthim në një godinë banimi në Dusseldorf, 3 të vdekur dhe 16 të plagosur

Tre persona u vranë dhe 16 u plagosën kur një dyqan në katin e parë të një ndërtesë banimi në qytetin gjerman të Dusseldorfit shpërtheu në flakë, sipas mediave gjermane.

Sipas tyre, nga 16 të plagosurit, dy janë në rrezik për jetën pas shpërthimit dhe zjarrit në pallatin e banimit.

Shërbimi zjarrfikës njoftoi se dyqani është djegur plotësisht, dhe zjarri është përhapur në katin e parë të pallatit të banimit.

Zjarri më pas është shuar, ndërsa hetimet për shkaqet e zjarrit janë duke u bërë të ditur policia.

Për momentin, nuk është e qartë nëse ishte një aksident apo problem teknik, tha një zëdhënës i policisë në Dusseldorf. Më shumë se 100 zjarrfikës ndodheshin në vendngjarje, sipas gjermanit “Welt”.