Sekretari i Jashtëm i Britanisë David Cameron viziton Shqipërinë

Sekretari i Jashtëm i Britanisë së Madhe, David Cameron do të do të vizitojë Shqipërinë më datë 22 maj. Burime bëjnë me dije se gjatë vizitës së tij në Tiranë, shefi i diplomacisë britanike do të takohet me Kryeministrin Edi Rama, Presidentin Bajram Begaj si dhe me Ministrin e Jashtëm Igli Hasani. Vizita e tij e parë në Shqipëri do të zhvillohet me qëllim për të prezantuar një program të ri kundër korrupsionit dhe krimit të organizuar në Shqipëri.

Sipas tabloidit britanik “The Sun” Sekretari i Jashtëm Cameron do të vijë në Shqipëri për të njoftuar një goditje të re ndaj bandave të organizuara kriminale që qëndrojnë pas rrjeteve të trafikimit të qenieve njerëzore.

Kjo vizitë e tij vjen në një kohë që nga mediet britanike shumë shpesh në vitet e fundit është ngritur shqetësimi në lidhje me kriminalitetin në qytetet britanike nga bandat shqiptare që merren me kultivimin dhe trafikimin e lëndëve narkotike. Por gjithashtu kjo vizitë është tregues i rikthimit të vëmendjes së Britanisë së Madhe në Ballkanin Perëndimor pas daljes nga Bashkimi Europian.

Disa ditë më parë, kryeministri Rama zhvilloi një bisedë telefonike me homologun e tij britanik Rishi Sunak, ku një nga temat e diskutuara ishte edhe kalimi i La Manshit me gomone të emigrantëve illegal që në një numër të madh janë shqiptar.

LEXONI GJITHASHTU:

• Deklaratat e Cameron për armët britanike në Ukrainë, reagon Kremlini
• Cameron në Kiev: Britania do ta ndihmojë Ukrainën sa të jetë e nevojshme