Funerali i Raisit, iranianët vajtojnë presidentin: Na bëri krenar, poshtëroi armiqtë

21 Maj 2024 | 11:04

Ceremonia e funeralit të presidentit iranian, Ebrahim Raisi, nisi këtë të martë në qytetin e Taprizit në veriperëndim të Iranit dhe do të zgjasë për tre ditë me radhë.

Një kamion që mbante arkivolet e presidentit të ndjerë, ministrit të jashtëm dhe zyrtarëve të tjerë që humbën jetën nga rrëzimi i helikopterit, përshkoi turmën me njerëz që ishte mbledhur në sheshin e qytetit.

Kamioni ishte i zbukuruar me lule të bardha dhe qytetarët e mbledhur vajtonin dhe shtyheshin për të vendosur duart mbi arkivolin e Presidentit.

AFP ka publikuar disa nga deklaratat e marra nga qytetarët e pranishëm në ceremoni.

Hasti Amiri, një banor i Teheranit, tha: “Që nga momenti që dëgjuam lajmin e rrëzimit… ishim të shqetësuar se çfarë do të ndodhte me ne, me atë (Ebrahim Raisi) dhe me vendin tonë.

“Të gjithë ne ishim të shkatërruar kur u bë e ditur se ai kishte vdekur.”

Mohammad Beheshti, një tjetër banor nga kryeqyteti, tha se ishte i trishtuar që Irani humbi një lider kaq të fuqishëm.

“Ne ishim të tronditur që humbëm një karakter të tillë, një karakter që e bëri Iranin krenar dhe i poshtëroi armiqtë,” tha ai.

“Veçanërisht gjatë muajit të kaluar ne pamë se si fuqia e tij poshtëroi Izraelin dhe Amerikën dhe sesi Irani u ngrit në madhështi.”

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026

Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta

Irani thotë se marina e saj shënjestroi një anije detare amerikane që strehonte një “qendër komande dhe kontrolli” ndërsa ajo po i afrohej ujërave territoriale...
22:27 | 03/06/2026