Celebrimet për Pashkën, meshë me kufizime në katedralen Notre Dame të Parisit

Liderët katolikë të Francës mbajtën të enjten një meshë në katedralen Notre Dame, në kuadër të javës së shenjtë që i paraprin festës së Pashkës.

Peshkopi i Parisit udhëhoqi ceremoninë, që ishte e mbyllur për publikun për të dytën herë rresht për shkak të kufizimeve nga COVID-19. Muzikë violine u luajt teksa peshkopi u lau këmbët të pranishmëve, një rit ky i praktikuar nga Kisha, pasi Jezu Krishti bëri të njëjtën gjë me 12 apostujt në atë që njihet si Darka e Fundit.

Edhe pse rajoni i Parisit ndodhet në izolim që prej gjysmës së marsit, qytetarët francezë lejohen të vizitojnë pikat e argëtimit, por grumbullimet me mbi 6 persona janë të ndaluara.

Festa e Pashkës e cila kremton “ringjalljen e Krishtit”, do të festohet këtë të diel nga të gjithë besimtarët katolikë.