Mbahet protesta e 10-të e opozitës te Bashkia Tiranë, digjen goma makinash

Në ambientet e jashtme të bashkisë Tiranë po mbahet këtë të martë dhe protesta e 10-të e mbështetur nga Rithemelimi dhe Partia e Lirisë.

Kjo protestë e radhës shënoi një ndryshim të skenarit nga ana e organizatorëve, ku në ndryshim nga hedhja e mjeteve shpërthyese në drejtim të godinës, u dogjën disa goma makinash.

Një numër i lartë forcave të policisë kishin rrethuar zonën për mbarëvajtjen e protestës, duke vendosur dhe një gardh metalik që ndante efektivët nga qytetarët.

Protestuesit tentuan disa herë heqjen e gardhit, duke u përplasur me uniformat blu.

Të pranishëm në protestë ishin përfaqësues të Rithemelimit dhe Partisë së Lirisë në Këshillin Bashkiak dhe përfaqësues nga Aleanca për Teatrin.

Protestuesit dëgjuan fjalimet e përfaqësuesve politikë, të cilët kërkuan dorëheqjen e kryebashkiakut Erion Veliaj.

Protesta, e iniciuar nga Aleanca për Mbrojtjen e Teatrit dhe e mbështetur nga Rithemelimi dhe Partia e Lirisë, vjen pas arrestimeve të disa zyrtave të bashkisë, nga SPAK, të cilët akuzohen për “Shpërdorim detyre”.

LEXONI GJITHASHTU:

• Nga Sali Lushaj te Adriana Kalaja, të proceduarit për protestën para Bashkisë Tiranë
• Protesta para bashkisë, 1 efektiv policie transportohet me ambulancë drejt spitalit