Dy bankat më të mëdha të Rusisë do të hapin degë në rajonet e aneksuara të Ukrainës

Dy bankat më të mëdha të Rusisë planifikojnë të hapin degë dhe zyra në rajonet e Ukrainës që Moska pretendonte se i kishte aneksuar muajin e ardhshëm.

Sipas mediave të huaja, shefi ekzekutiv i Sberbank, German Gref tha në dhomën e lartë të Parlamentit rus se banka do të jetë “e pranishme në të gjithë territorin e vendit”.

Shefi ekzekutiv i VTB, Andrei Kostin, tha se ata do të hapnin dy zyra në Luhansk në korrik dhe kishin plane të fillonin t’u shërbenin klientëve në Donetsk dhe qytetin port të Mariupol deri në fund të vitit.

Kujtojmë se presidenti Vladimir Putin aneksoi ilegalisht rajonet Donetsk, Luhansk, Kherson dhe Zaporizhzhia të Ukrainës në shtator 2022, përmes asaj që Ukraina dhe aleatët e saj perëndimorë i quajtën referendume të rreme.

Aneksimi u dënua nga shumë vende si i paligjshëm, ndërkohë që forcat ruse i kontrollojnë vetëm pjesërisht katër rajonet në fjalë.

LEXONI GJITHASHTU:

• Gratë ruse në protestë, kërkojnë kthimin e ushtarëve të mobilizuar në Ukrainë
• Presidenti Begaj dekreton Ernal Filo ambasador në Ukrainë, ja ndryshimet e tjera