Përfitoi transferta në vlerë 200.000 €, sekuestrohen llogaritë e 1 personi në Tiranë

Prokuroria e Tiranës ka kërkuar sekuestrimin e llogarive bankare të shtetasit D.Ll., pas dyshimeve për pastrim parash. Shkak për nisjen e hetimeve nga organi i akuzës janë bërë një sërë transfertash me vlerë 159,983 paund rreth 200.000 euro, që janë bërë në adresë të këtij shtetasi.

Sipas Prokurorisë së Tiranës, gjatë periudhës janar 2021-prill 2024, ky shtetas ka marrë 17 transferta bankare, vlera totale e të cilave shkon në 159,983 paund.

Dërgesat janë dërguar nga një shtetas i huaj nga Britania e Madhe, i cili ka deklaruar se është shok i djalit të personit që i ka transferuar paratë.

“Nga Drejtoria për Hetimin e Krimeve Ekonomike e Financiare, në Departamentin e Policisë Kriminale, në Drejtorinë e Përgjithshme të Policisë së Shtetit, është marrë informacioni se shtetasi D.Ll, përgjatë periudhës Janar 2021-Prill 2024, rezulton të ketë përfituar 17 transferta, në vlerën totale 159,983 GBP, nga persona të ndryshëm.

Një ndër personat që kanë kryer transferta bankare janë kryer nga një shtetas i huaj, i cili deklarohet si shok i djalit të shtetasit D.Ll., i cili dyshohet se në vitin 2022 është hetuar në Angli për përdorimin e personave të tretë përmes kërcënimin me dyshimet për pastrim parash.

Bazuar në informacionet e mësipërme Prokuroria pranë Gjykatës të Shkallës të Parë të Juridiksionit të Përgjithshëm, Tiranë ka regjistruar procedimin penal nr.3308 për veprën penale të parashikuar nga neni 287 i Kodit Penal dhe ndodhur përpara rastit të ngutshëm, pasi ekziston rreziku që kjo shumë monetare, e cila dyshohet si produkt i veprimtarisë kriminale, të transferohet apo të fshihet, është e nevojshme kryerja e sekuestrimit të llogarive bankare”, njofton prokuroria e Tiranës.

LEXONI GJITHASHTU:

• Sekuestrohen llogaritë bankare të kompanisë italiane, pastronte paratë në Shqipëri
• Mashtrimi me kreditë, Prokuroria sekuestron llogari bankare në vlerë 10 mln €