Shehu pas vrasjes la makinën në Sarandë dhe kaloi kufirin, dyshohet se u ndihmua

Është konfirmuar zyrtarisht se 43-vjeçari Gerald Shehu, i cili akuzohet për vrasjen e 31-vjeçarit Eraldo Nevruzi mbrëmjen e djeshme në një hotel në Dhërmi, ka përdorur pikën e Kalimit Kufitar të Qafë Botës për të kaluar drejt Greqisë.

Sipas burimeve për Euronews Albania, pas kësaj mendohet se ai ka shkuar në Igumenicë e më pas me traget drejt Korfuzit. Ai do të shfrytëzonte më pas aeroportin e ishullit për të udhëtuar drejt Anglisë. Pikërisht në aeroport është ndaluar edhe nga policia greke me qëllim ekstradimi.

Dyshimi ndërkohë i policisë shqiptare është që Gerald Shehu është ndihmuar nga dikush. Kjo për faktin që ai ka lënë automjetin e tij në një parking privat në Sarandë dhe më pas ka udhëtuar për rreth 45 minuta drejt Qafë Botës.

Policia po heton se kush e ka ndihmuar Shehun me fshehjen e mjetit dhe transportin e tij për në pikën e kalimit kufitar.

LEXONI GJITHASHTU:

• Dyshohet se vrau 31-vjeçarin në Dhërmi, gjendet në Sarandë makina e Gerald Shehut
• Në punë prej 1 jave|2 pistat për vrasjen e 31-vjeçarit, ku mund të jetë hedhur trupi