U vra nga pronari i hotelit në Dhërmi, gjendet trupi i recepsionistit 31-vjeçar

Është gjetur trupi i pajetë i 31-vjeçarit Eraldo Nevruzi, i cili u vra nga Gerald Shehu, pronari i hotelit ku punonte në Dhërmi.

Trupi i recepsionistit pas vrasjes ishte fshehur nga autori i krimit në bashkëpunim me 2 persona të tjerë, të cilët u arrestuan ditën e sotme.

Forcat e Policisë e gjetën sot trupin e pajetë afër një guroreje duke shkuar për në Vuno, në vendin e quajtur ‘Përroi i Gjipesë’.

Gerald Shehu u arrestua ditën e djeshme në Korfuz, teksa ishte në aeroport për t’u larguar në drejtim të Anglisë, vend në të cilin kishte dokumenta të rregullta qëndrimi.

Ndërkohë Policia po vijon hetimet për zbardhjen e plotë të shkaqeve të ngjarjes.

Njoftimi i Policisë:

Himarë/Informacion shtesë

Në vijim të punës hetimore për zbardhjen dhe dokumentimin e plotë ligjor të ngjarjes kriminale të ndodhur në Dhërmi, pas zbardhjes së rrethanave, ndalimit në Greqi të autorit të dyshuar dhe arrestimit të 2 shtetasve që ndihmuan autorin për të fshehur kufomën, grupi hetimor, në drejtimin e Prokurorisë, ka vijuar veprimet për gjetjen e trupit të shtetasit E. N.

Shërbimet e Drejtorisë Vendore të Policisë Vlorë, të Komisariat të Policisë Himarë dhe disa grupe të Delta Forcë, në drejtimin e Drejtorit të Drejtorisë Vendore të Policisë Vlorë, kanë vijuar kërkimet në një perimetër të gjerë.

Si rezultat i informacioneve të siguruara nga hetimi dhe i kërkimeve, shërbimet e Policisë kanë gjetur trupin e pajetë të shtetasit E. N., në vendin e quajtur “Përroi i Gjipesë”, në zonën midis fshatrave Dhërmi dhe Vuno.

Grupi hetimor vijon punën për dokumentimin e plotë ligjor të kësaj ngjarjeje kriminale.

LEXONI GJITHASHTU:

• Emri| Ndihmoi në fshehjen e trupit të recepsionistit në Dhërmi, ky është 33-vjeçari
• E vrau dhe e mbështolli me çarçaf, detaje të reja për vrasjen e të riut në Dhërmi