“Latitude 2024” në Britani. Tërhiqen artistët, shkak sponsorizimet izraelite

Disa muzikantë po largohen nga festivali i ardhshëm i muzikës në Mbretërinë e Bashkuar Latitude.

Mui Zyu dhe Georgia Ruth janë artistët e fundit që tërhiqen nga edicioni i sivjetshëm i festivalit muzikor në Mbretërinë e Bashkuar Latitude për shkak të sponsorizimit të tij nga Barclays dhe lidhjeve të bankës me Izraelin.

Të dy artistët i bashkohen rockerëve Pilloë Queens dhe kantautorit irlandez CMAT, të cilët gjithashtu kanë bojkotuar festivalin për të njëjtin shkak. 

Artistët më postimet që kanë bërë në rrjetet sociale, shprehen se nga ky festival do të përfitojnë ata që kanë kryer gjenocid në Palestinë.

“Gjatë gjashtë muajve të fundit ata kanë vazhduar të rrisin financimin e tyre për kompanitë që prodhojnë armë që përdoren më pas në Gaza ku në këtë moment janë vrarë mbi 37,000 njerëz dhe mbi 82,000 të plagosur”-shkruan artisja Zyu.

Këto njoftime vijnë menjëherë pas bojkotit të madh të The Great Escape në Brighton muajin e kaluar, edhe për shkak të lidhjeve të tij me Barclays.  

Latitude ende nuk ka komentuar në  lidhje me tërheqjet që po bëhen. Festivali zgjat nga 25 deri më 28 korrik.