Ditë e zezë për partinë e Scholz, a do të ketë zgjedhje të parakohshme në Gjermani?

Partitë qeverisëse në Gjermani ranë në rezultatin më të dobët, ndërsa ekstremi i djathtë fitoi terren në votimet për Parlamentin e ri Evropian.

Unioni i qendrës së djathtë fitoi 30.9 për qind të votave, një kuotë dërrmuese për standardet historike të tij.

Qendra e majtë e drejtuar nga Social-Demokratët e kancelarit Olaf Scholz fituan rreth 14.6% të votave, më pak se në 2019-n.

Alternativa për Gjermaninë, e njohur si AfD, fitoi mbi 14% të votave, duke u renditur e treta. Edhe pse paksa më mirë se në 2019-n, ajo është pak më poshtë se parashikimet e sondazheve.

Rezultati i saj vjen pas një seri incidentesh e skandalesh që përfshinë dy nga kandidatët kryesorë të saj për Parlamentin Evropian.

Pavarësisht rezultatit të forcës qeverisëse në zgjedhje, Gjermania nuk do të ndjekë hapat e Francës duke thirrur zgjedhje të parakohshme.

“Data e rregullt e zgjedhjeve është vjeshta e ardhshme. Dhe kjo është ajo që ne planifikojmë të bëjmë,” tha zëdhënësi i qeverisë Steffen Hebestreit në një konferencë për shtyp

“As për një sekondë nuk menduam për zgjedhjet e reja në Gjermani”, shtoi ai.

“Sistemi ynë politik është shumë i ndryshëm nga ai francez”, tha ai.

Këto zgjedhje evropiane tërhoqën rreth 65 për qind të votuesve, por nuk sollën të papritura në Gjermani. Ndërsa AfD-ja e ekstremit të djathtë arriti të bënte përpara, ajo nuk arriti të siguronte aq mandate sa shpresonte.

LEXONI GJITHASHTU:

• “Më pëdor si fitil”- Debati mes Macron dhe kryeministrit: Ti do jesh personi që…
• Zgjedhjet në BE: Cilët janë fituesit dhe humbësit në Bruksel
• Sondazhet për zgjedhjet në PE: Ekstremi i djathtë i Le Pen mposht partinë e Macron