“Dilni në pension”- Politikanët rusë reagojnë pas humbjes së Macron e Scholz

10 Qershor 2024 | 14:46

Politikanët rusë janë shfaqur të kënaqur me humbjet e partive të Scholz dhe Macron në zgjedhjet e Parlamnetit Europian të mbajtura të dielën.

Kremlini ka kohë që ka mbështetur liderët e së djathtës politike të Evropës dhe është i prirur të shfrytëzojë çdo shenjë ndarjeje që mund të dobësojë mbështetjen për Ukrainën.

Ish-presidenti rus Dmitry Medvedev tha se rezultatet e zgjedhjeve europiane pasqyronin “politikën e paaftë” të të dy liderëve për të mbështetur Kievin.

“Koha për të dalë në pension. Në grumbullin e hirit të historisë,” postoi Medvedev në rrjetin X.

Valentina Matviyenko, drejtuesja e dhomës së lartë të parlamentit rus, tha se Macron dhe Scholz kishin “pësuar një disfatë dërrmuese, e cila konfirmon dështimin e tyre si politikanë kombëtarë dhe evropianë”.

“Për më tepër, në rastin e tyre ky është një rezultat i merituar, që rrjedh nga mospërfillja e plotë shumëvjeçare e nevojave reale të njerëzve dhe shoqërisë”.

Zëdhënësi i Kremlinit Dmitry Peskov tha se shumica në Parlamentin Evropian do të ishte ende pro BE-së dhe pro-ukrainase, por rritja e partive të krahut të djathtë ishte e qartë.

“Kjo dinamikë është e dukshme me sy të lirë dhe sigurisht, pavarësisht se pro-evropianët ruajnë pozicionet e tyre drejtuese për momentin, me kalimin e kohës partitë e djathta do të rriten”, tha Peskov.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026