Dita e tretë e Euro 2024, Anglia kundër Serbisë, Polonia sfidon Holandën

Euro 2024 vijon me përballje interesante edhe në ditën e tretë të tij, ku padyshim e gjithë vëmendje është tek 3 luanët, të cilët cilësohen dhe një ndër skuadrat favorite për të fituar trofeun. Skuadra e Gareth Southgate zbret në fushë ndaj Serbisë, përballje që në letër duket e lehtë, por në fushë llogaritë bëhen ndryshe. Përgatitjet kanë marrë fund, me britanikët të cilët vijnë tejet të motivuar në këtë duel.

Tekniku i 3 luanëve ka përpiluar dhe formacionin, ku në portë e nis Pickford, më pas Ëalker, Stones, Guehi, Trippier e Arnold. Rice, Saka, Bellingham, Foden dhe në majë të sulmit bomber i Bayernit Harry Kane. Kjo është përballje e parë mes dy skuadrave, të cilët nuk janë ndeshur asnjëherë me njëra-tjetrën më herët. Në grupin C, luhet dhe dueli tjetër ai mes Sllovenisë dhe Danimarkës, në orën 18.

Danezët janë më të avantazhuar në krahasim me kundërshtarin, të cilin e kanë mposhtu në 5 nga 6 duelet e luajtura, ndërsa një sfidë është mbyllur në barazim. Poloni-Holandë po ashtu pritet me shumë interes, me tulipanët që synojnë ta nisim mbarë, por dhe polakët, që edhe pse u kualifikuan nëpërmjet play-off, nuk duhen nënvlerësuar.

LEXO GJITHASHTU:

• Gati përballja e Kombëtares në Euro2024, dalin formacionet e Shqipërisë dhe Italisë
• Do jetë Mbappe pjesë e Euro2024? Ylli francez mungon në stërvitje