Dhjetë emigrantë u mbytën në Detin Mesdhe

Dhjetë emigrantë u mbytën në një varkë që u fundos në Detin Mesdhe, njoftoi një organizatë jofitimprurëse.

Ekuipazhi i anijes së shpëtimit të emigrantëve “Nadir”, bën të  ditur në rrjetin social X, ka gjetur 61 persona në një varkë druri që po mbushej me ujë, dhjetë prej të cilëve u bllokuan në kuvertën e poshtme dhe u mbytën.

Nuk është bërë e ditur se kur ka ndodhur aksidenti, por sipas shërbimeve detare, anija e shpëtimit “Nadir” ndodhej të hënën në afërsi të portit lindor të Tunizisë, Sfax.

Kombet e Bashkuara kanë regjistruar më shumë se 20,000 vdekje dhe zhdukje në Mesdheun qendror që nga viti 2014, duke e bërë atë kalimin më të rrezikshëm të emigrantëve në botë.

Në fillim të këtij muaji, 11 trupa u gjetën në det pranë brigjeve të Libisë.

LEXO GJITHASHTU:

• Strehoi 22 emigrantë të paligjshëm në banesë, arrestohet 44-vjeçari
• Ekstremistët marrin ‘emigracionin’ në Holandë, 5 kandidatë për postet qeveritare