Përvetësoi 27 mijë euro nëpërmjet mashtrimit, ndalohet 34-vjeçari në Shkodër

Një 34-vjeçar në Shkodër është ndaluar pasi dyshohet të ketë kryer veprën penale të mashtrimit dhe falsifkimit të dokumenteve, duke përvetësuar 27 000 euro.

Ky shtetas, duke qenë i punësuar në një kompani nga e cila kryente depozita të ndryshme bankare, mashtronte duke depozituar shuma më të vogla parash se shumat reale.

Njoftimi i policisë:

Sektori për Hetimin e Krimeve Ekonomike dhe Financiare, në bashkëpunim me Sektorin për Operacionet Speciale dhe Kërkimin në DVP Tiranë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, pas një pune të mirëfilltë hetimore, ka finalizuar operacionin policor të koduar “Statment”.

Gjatë operacionit u ndalua shtetasi R. A., 34 vjeç, banues në Shkodër, për veprat penale “Mashtrimi”, “Falsifikimi i dokumenteve” dhe “Falsifikimi i vulave, i stampave ose i formularëve”.

Ky shtetas, duke qenë i punësuar në një kompani nga e cila kryente depozita të ndryshme bankare, mashtronte duke depozituar shuma më të vogla parash se shumat reale.

Nëpërmjet mashtrimit, ky shtetas ka përvetësuar 27 000 euro dhe në vendin e tij të punës, ka paraqitur dokumente (mandate) të dyshuara të falsifikuara.

LEXONI GJITHASHTU:

• OKB: Kriza humanitare në Gaza po përkeqësohet shpejt, mungon uji dhe ushqimi
• A do ta mundim Spanjën? Lorik Cana: Shanset që ta kalojmë grupin